312

مجرم اعظم آ گیا،اب 300 ارب بھی واپس لاؤ کتنے ہزار ارب خزانے میں اکٹھا کروں گا ؟ عمران خان کا حیران کن دعویٰ

اسلام آباد (نیوزڈیسک) اسلام آباد کے علاقے کراچی کمپنی میں خطاب کرتے ہوئے عمران خان نے کہا کہ تبدیلی آگئی ہے جو تبدیلی رہ گئی وہ 25 جولائی کو آجائیگی۔انہوں نے کہا کہ وہ کرپشن پر قابو پانے کیلئے نیب کو مضبوط اور ٹیکس چوروں کو ایف آئی اے اور نیب کے حوالے کریں گے۔انہوں نے دعویٰ کیا کہ وہ 8 ہزار ارب روپے پاکستان کے خزانے میں اکٹھا کرکے دکھائیں گے۔عمران خان نے کہا کہ

خیبرپختونخوا میں ان کی حکومت نے تعلیم اور صحت کے لیے جو کام کیے وہ ملک بھر میں کریں گے۔انہوں نے کہاکہ انہوں نے کے پی میں کرپشن اور سفارش ختم کی۔ پی ٹی آئی چیئرمین کا نواز شریف کی وطن واپسی سے متعلق کہنا تھا کہ مجرم اعظم آگئے ہیں لہذا اب میاں صاحب 300 ارب روپے واپس کردیں۔انہوں نے کہا کہ اللہ قوم کو قسمت بدلنے کا موقع بار بار نہیں دیتا کیوں کہ پہلے ایک جاتا تھا تو دوسرا آجاتا تھا۔

اس خبر پر اپنی رائے کا اظہار کریں